पर्यापर्यटन विकास

पर्यावरणीय संरक्षण र दीर्घकालीन विकासलाई प्राथमिकता दिँदै, हाम्रो उद्देश्य व्यवसायिक पर्यापर्यटनको माध्यमबाट देशका प्राकृतिक सौन्दर्य, जैविक विविधता, र सांस्कृतिक धरोहरलाई प्रबद्वन गर्नु हो। यो अवधारणा अन्तर्गत, देशभरका सबै प्रकारका वन क्षेत्रहरू — राष्ट्रिय, सामुदायिक, धार्मिक, साझेदारी र निजी वनहरू — संग समन्वय गरी पर्यावरणीय मापनमा आधारित दीर्घकालीन मेघापर्यटन परियोजना लागू गरिनेछ।हामी वैज्ञानिक वन व्यवस्थापन, व्यवसायिक पर्याभिलेज र पर्यापर्यटनको विस्तारमा जोड दिंदै, स्थानीय समुदाय र पर्यटकहरूलाई आकर्षित गर्न कार्यरत छौं। यसमा पर्यावरणीय अध्ययन, अनुसन्धान, र पर्यटनका लागि सुरक्षित तथा आकर्षक संरचनाहरू निर्माण गरिनेछ, जस्तै सुरक्षित होटल, रेस्टुरेन्ट, जंगल सफारी, वन्यजन्तु अवलोकन, र पिकनिक स्थलहरू।

पर्यावरणीय मापनका लागि विश्वभरका विज्ञहरूको सहयोगमा हामी वन्यजन्तु, जैविक विविधता, जलाधार संरक्षण, जलवायु परिवर्तन, र विपद व्यवस्थापनजस्ता क्षेत्रमा खोज अनुसन्धान गरी पर्यावरणीय सन्तुलन कायम राख्न अग्रसर छौं। यसका साथै, व्यवसायिक कृषि, जैविक उत्पादनहरू, र सामुदायिक वन व्यवस्थापनमा प्रविधिको प्रयोग गर्दै, दीर्घकालीन फाइदाका लागि वातावरणीय संरक्षणको महत्वपूर्ण भूमिका खेल्नेछौं।हाम्रो अभियानमा स्थानीय समुदायहरूको संस्कार, संस्कृति, कला र शिपको जगेर्ना गर्दै उनीहरूको जीवनस्तर सुधार्ने तथा पर्यावरणीय सन्तुलन र सामाजिक विकासमा योगदान पुर्याउने प्रमुख उद्देश्य रहेको छ।